金泉尚武霸氣搶首入

今晚仲有場韓職賽事，ＦＣ首爾主場迎戰金泉尚武。ＦＣ首爾成績持續飄忽，周中韓足盃大敗出局更嚴重打擊士氣，差勁嘅防守力係致命傷，金泉尚武擅長搶攻，有力趁ＦＣ首爾頹勢早開紀錄，第一隊入球「客」值得捧場。（無線 myTV Super周日晚上6時直播）

ＦＣ首爾攻守都唔掂
ＦＣ首爾陣容星味十足，不過落到場就效率極低，英格蘭球星連格完全踢唔出卡士，前線靠晒德國前鋒伊祖辛高單天保至尊，但呢位老將近期亦愈踢愈沉，對上7場賽事有6場食白果。周中韓足盃以1比5慘敗浦項制鐵腳下，士氣跌落谷底。

ＦＣ首爾近4場比賽3次落敗，成績低落最大原因係防線極唔集中，近5場賽事失11球，最近4仗都係先落後一方。爭標分子金泉尚武踢法搶韁，上仗4比0大破全北汽車霸氣十足，佢哋經常可以喺早段入波，近5場有4次先開紀錄，今場博第一隊入球「客」。文:工廠仔