今日有場日本聯賽盃附加賽首回合，北海道札幌岡薩多主場鬥富山勝利。北海道札幌岡薩多喺日職排緊包尾，難以兼顧盃賽，反觀丙組仔富山勝利愈戰愈勇，上圈更越級挑戰成功，淘汰神戶勝利船，士氣冇得頂，以佢哋近3場日聯盃法定時間全部賽和對手嘅走勢，受讓梗係博讓球客勝。（周三晚6時30分開賽）

岡薩多無力兼顧盃賽
岡薩多近期防線崩潰，繼吞鹿島鹿角3蛋後，上場聯賽再以3比5不敵東京綠茵，近兩場夾埋失8粒，猶如不設防，佢哋近6場聯賽輸5場跌到榜尾，若然再咁落去下季睇怕乙組見，因此目前首要係喺聯賽搶分，盃賽只屬次要。

富山勝利雖然喺日丙打滾，但防守非常穩陣，踢盃賽甚為有利，佢哋近3場日聯盃法定時間全部打和，代表作一定係上圈對住日職前列球隊神戶勝利船，富山勝利落後下仍然可以逼和1比1，之後更憑互射12碼爆冷淘汰對手。證明佢哋越級挑戰都有招架之力，更何況岡薩多處於弱勢，富山勝利受讓極度抵玩。