朝繼續有阿甲盃賽事，其中A組颶風隊主場迎戰羅沙里奧中央。雙方開季成績明顯有差距，但共通點係攻力欠銳，絕對係海軍鬥水兵，颶風隊初段特別保守，半場和值得捧場。
（周五早上8時15分開賽）

羅沙里奧中央開咧表現唔差，頭7場取得3勝2和2負，近4場更獲3勝，排緊第7位。不過要留意，羅沙里奧中央呢7場只入6粒，平均每場都入唔夠1球，攻力認真麻麻，而且佢哋依家累積嘅11分中，只有4分係來自客場，作客表現一般。

主隊頭段防守力強
另邊廂，颶風隊自從開季首輪以2比0擊敗班菲特，之後6輪都未嘗勝果，佢哋最大問題係進攻死晒火，呢7場僅入4粒，難怪依家位處下游。颶風隊自己知自己事，惟有先做好防守，呢7輪只失8粒唔算差，佢哋比賽初段踢得特別好，尤其係防守零舍集中，單計近5場嘅上半場都能保持不失，其中4次半場開出0比0，只係下半場因體力不繼而走樣，今仗迎戰同樣攻力一般嘅羅沙里奧中央，初段隨時陷於僵局，半場和不妨追多鋪。