澳職前列大戰，第3位嘅墨爾本勝利主場對第2位嘅中岸水手，兩隊同分，實力旗鼓相當，但論狀態墨爾本勝利稍遜，近7場聯賽僅1勝，今仗缺乏贏波把握。反觀，中岸水手近5場聯賽作客取得3勝2和，相信有力全身而退。中岸水手受讓半一，下盤值博。（無綫myTV聽Super周日下午2時直播）

墨爾本勝利曾於季初有不俗演出，但自從1月中開始，表現持續低迷，近7場聯賽只取得1勝5和1負，而且僅入6球，攻力甚為疲弱。當中唯一勝仗係上場踢到補時，突然連入2球以2比1驚險反勝西部聯，帶有幸運成份，即使贏波亦缺乏說服力。更何況墨爾本勝利近2次對中岸水手，都未能勝出，今仗好大機會又失分。

中岸水手頂得兩嘴
相比之下，中岸水手狀態回升，上輪澳職擊敗西悉尼流浪者，打破連續2場聯賽不勝悶局，剛於上周中亞協盃晉級，亦有助提升士氣及信心，勢必乘勝追擊。最重要係中岸水手作客發揮穩定，近5場聯賽作客取得3勝2和，其中4場保持不失球，防守非常嚴密，今仗應該可以坐和望贏，水手有得受讓，必捧下盤。