今晚英超補賽，曼城主場迎擊賓福特。「藍月亮」經歷英超同歐聯連場硬仗，上場逼和車路士，11連勝走勢斷纜，今仗係曼城7日內應付嘅第3場賽事，而且對手係以體力化見稱嘅賓福特，球員未必即時撻着，半場和好路。（Now聽621周三凌晨3時30分直播）

曼城目前落後榜首利物浦4分，不過踢少一場，今晚贏埋就繼續向「紅軍」施壓，問題係佢哋短時間內連踢3場，球員體能未必支持到全場高強度壓逼，尤其奇雲迪布尼同艾寧夏蘭特兩大主力復出冇耐，甚有機會選擇留前鬥後。「藍月亮」勝在後備兵力強勁，領隊哥迪奧拿隨時可以下半場先變陣爭勝，唔會急住上半場同對手硬碰。

近3次交手半場都打和
賓福特上場1比4慘負利物浦，但其實上半場咬得好緊，僅以一球落後，佢哋近4場有3次上半場先入波，可見球員夠氣夠力下唔驚任何對手，就算作客曼城都有望頂到半場。睇番兩軍近5次對賽，曼城錄得3勝2負，踢落優勢唔大，而且每次戰況都好緊湊，近3次交鋒同樣半場打和，半和值得再追。