今日大年初一好波連環！英超榜首雙雄曼城同利物浦近期龍精虎猛，分途出擊誓要擸晒3分；德甲西甲同日上演榜首激鬥，西甲皇家馬德里主場面對神奇球隊基羅納、德甲榜首利華古遜主場硬撼拜仁慕尼黑，勝負直接影響冠軍誰屬，睇下邊隊行運一條龍！

曼城識留放半細愛得過
各項賽事9連勝嘅曼城，初一早場主場鬥愛華頓，「藍月亮」3日後就要喺歐聯16強首回合作客丹麥哥本哈根，領隊哥迪奧拿深明留放之道，上半場可能拖慢節奏，1.5球半場細值得捧場。（Now聽621及611周六晚8時30分直播）

愛華頓鐵桶陣博搶分
曼城喺聯賽向來後勁凌厲，佢哋今季踢法慢熱，近9場聯賽有6場曾經處於落後狀態，但最終獲得6勝2和1負成績，包括上輪作客賓福特，同樣係反敗為勝，加上歐聯重開，「藍月亮」必定先求穩陣，避免再次落後陷入苦戰，上半場多數會拖慢節奏。

愛華頓喺主帥戴治領導下踢法硬淨，上仗就曾以2比2逼和熱刺，「拖肥糖」近6場比賽只曾一敗，6場入面有5場上半場總入球開1球或以下，作客肯定死守博1分，曼城想破「鐵桶陣」都要一啲時間。睇埋兩隊對賽，曼城近5次錄得4勝1和，不過上半場往往拉成均勢，有4場半場總入球開1球或以下，一於博1.5球半場細。