為爭升班放手一搏
今晚上演德國附加賽首回合，韋恩主場對比勒費爾德，爭奪下季1個德乙席位，丙組仔韋恩為咗爭取升班，勢必把握主場之利全力爭勝，希望取得領先優勢，否則次回合作客，將會非常難踢，惟有豁出去搶攻一搏。德乙球隊比勒費爾德整體實力稍為佔優，亦唔會退縮，考慮到比勒費爾德近8場作客總入球全開3球或以上，一於再追中位數2.5球嘅入球大。

（on.cc東網周六凌晨2時45分直播）
韋恩排丙組第4位，原本冇份踢「升班附加賽」，但因為亞軍弗賴堡二隊唔符合升班資格，所以由韋恩頂上，取得附加賽資格。韋恩難得獲得「額外機會」，當然要好好把握，球隊狀態亦相當唔錯，近3仗取得2勝1和，而且近6次主場出擊，更加贏咗5次，相信會食住個勢強攻對手，力爭先拔頭籌。

比勒費爾德防守欠穩
比勒費爾德喺德乙排第16位，今場對佢哋而言屬於「護級附加賽」，遇上低一個聯賽級別對手韋恩，球員心理上應該佔優，預料有信心主攻求勝。不過，比勒費爾德防守欠佳，上仗作客以0比4不敵馬格德堡，近兩場共失6球，恐怕今仗亦難保清白之身，最好揀入球大。