英格蘭聯賽錦標南部H組第3輪，紐波特郡主場迎戰布里斯托流浪，兩隊現時同得3分，由於榜首韋斯咸U21已出線，榜尾車頓咸已出局，兩隊今場正面交鋒將決定次名出線席位，肯定搏盡，相信入球唔會少，加上雙方近5次聯賽交手4次開4球或以上，2.5球入球大抵玩。（周三凌晨3時45分開賽）


紐波特郡喺英乙排20位，聯賽17戰入26球失32球，入波多失波亦多，佢哋英錦標2戰1勝1負，作客2比0贏車頓咸，主場對韋斯咸U21輸0比1，同布里斯托流浪同得3分，但得失球唔及對方排第3，雖然爭出線比較被動，但今場勝在有主場之利，所以就算同布里斯托流浪相差一個級別，並唔係冇得爭。

過往碰頭多波入
布里斯托流浪喺英甲排第10，近況甚佳，近5仗3勝2和未輸過，包括英足盃首圈主場大勝韋特比7比2，上場英甲10人應戰照贏卡素爾1比0，而且佢哋英錦標兩場都開大比數，包括4比1贏車頓咸同1比3輸畀韋斯咸U21，進攻意欲相當強，今場作客紐波特郡爭出線，雙方都當淘汰賽嚟踢，更加冇保留，加上近年對賽頻開入球騷，捧入球大穩陣。