至於歐霸盃B組賽事，就由荷甲名牌阿積士主場大戰英超白禮頓，呢組出線形勢非常緊湊，4隊波只有3分差距，剩低每場都不容有失。阿積士換帥後成功「止血」，反而白禮頓疲兵作戰踢唔出招牌進攻足球，兩隊今仗都唔敢冒率搶攻，3.5球嘅入球細值得捧場。（Now聽644周五凌晨1時45分直播）

阿積士今季成績沉淪，目前3戰只得2分排榜尾，不過最近請到經驗豐富嘅雲斯捷執教，上任後兩場波都順利奏凱，表現有明顯起色。

近2場只失1球
阿積士啱啱先止跌回升，雲斯捷會繼續以鞏固後防為首要任務，雲斯捷執教前球隊8場失24球，佢上任後180分鐘只失1球，防守有明顯提升。

至於首次踢歐洲賽嘅白禮頓，今季喺密集賽程下出現傷兵潮，韋碧克、蘇利馬治、祖利奧安斯素等都仲養緊傷，球隊近期成績明顯下滑，對上8仗只得1勝。加上白禮頓進攻無力，近4仗總入球全開3球或以下，今仗作客阿積士會先求穩陣，3.5球嘅入球細係最佳選擇。