周六凌晨意甲獨腳戲上演中游搶分戰，博洛尼亞主場迎戰拉素。博洛尼亞今季演出確係惹人好感，不過佢哋和波偏多，球隊贏波能力始終差啲，相反拉素近5仗贏4場，對手包括阿特蘭大同費倫天拿等前列球隊，今場力反客為主，平手盤值得信賴。

（周六凌晨3時45分開賽）
博洛尼亞紙上賽績確唔錯，除咗開咧戰不敵AC米蘭0比2，之後各項賽事10戰保持不敗，近期主場更豪取3連勝。但值得留意係博洛尼亞所擊敗對手偏弱，包括安玻里、費辛隆尼及維羅納等，球隊未受真正考驗。

拉素老將交足貨
相反拉素雖然要兼顧歐聯，但各項賽事近5仗贏4場，包括擊敗阿特蘭大同費倫天拿等前列球隊，唔講得笑。兩名老將恩莫比尼及柏度洛迪古斯愈老愈可愛，近期輪住有士哥，中場路爾斯拔圖都交到貨，加上近4次交手，拉素取得3勝1和，擺明食住博洛尼亞，平手盤抵玩。