首輪分組賽最大勝仗紀錄就係德國女足6:0擊敗摩洛哥女足，當中有兩球係烏龍，但值得注意嘅係隊長波普梅開二度，佢喺去年嘅女子歐國盃每一次出場都有入球，火力超強，可以稱為最有殺傷力嘅前鋒，但係喺決賽佢因傷缺陣，所以德國女足最後只能得亞軍。

今屆女子世界盃相信德國女足都應該係捧盃熱選之一，但第一場分組賽中世界排名25嘅哥倫比亞女足2:0擊敗比佢排名更前排第17名嘅南韓女足，隊中效力皇家馬德里的18歲前鋒蓮達卡茜杜實力都不容忽視，不過，雙方對壘應該德國女足更勝一籌，贏兩粒啱啱好。Ling Ling