主場惡到暈！
澳職季後賽4強次回合，常規賽冠軍墨爾本城主場再鬥FC悉尼。首回合兩隊踢成1比1，FC悉尼靠一次爭議性重射12碼追平，不過墨爾本城今仗喺無敵主場出戰，晉級決賽機會極高，主勝係信心之選。

（無綫myTV Super周五下午5時45分直播）

常規賽「一哥」墨爾本城喺季後賽首圈輪空，直至季後賽4強先至登場；上仗4強首回合作客對FC悉尼，墨爾本城入局較慢，然而球員質素仍然勝一籌，就算最終被對手逼和1比1，但作客打和戰果絕對唔係壞事，因為墨爾本城今季主場戰績極佳，對上7仗主場獲得6勝1和不敗成績，而且首回合缺陣嘅中場核心艾登奧尼爾已經傷愈，今仗有望復出領軍，令得到主場球迷打氣嘅墨爾本城戰力更加強勁。

近5主場皆挫悉尼
FC悉尼於常規賽排名第5，雖然佢哋季尾狀態回勇，不過面對超班嘅墨爾本城，實力始終有所不及，最慘係兩大主力祖羅利同羅拔馬克都受到傷患影響，唔夠狀態踢足90分鐘賽事，大大影響球隊發揮。再者，FC悉尼對上5次作客墨爾本城戰績慘淡，全部輸晒，極有「格食格」味道，今仗好大機會再被「墨城」剋死，主勝咪錯過。